बेसीशहरमा जारी ३० औं त्रिवेणी फुटबल कप क्वाटर फाइनलमा आज दुई खेल सम्पन्न

बेसीशहर(लमजुङ)– लमजुङको जिल्ला सदरमुकाम बेसीशहरमा जारी ३० औं त्रिवेणी फुटबल कप प्रतियोगिताको क्वाटर फाइनलका दुई खेल आज पुस १६ गते सम्पन्न भएका छन् । सो प्रतियोगिताको रहेक दिन दुई खेल सञ्चालन गर्ने गरिएको छ ।
आजको पहिलो खेल बागमती युवा क्लब सर्लाही र टोखा भगवती काठमाडौंका बीचमा भएको थियो । निकै प्रतिस्र्धात्मक रहेको उक्त खेलको निर्धारित समयका कुनै पक्षबाट पनि गोल हुन सकेन । त्यसपछि समय थप भयो, अतिरिक्त समय थप भयो तर त्यो समयको अवधिमा पनि दुवैले गोल गरेनन् । त्यसपछि टाई–ब्रेकरतर्फ खेल अघि बढ्यो । एक पक्षलाई ६ शट दिइएको थियो । त्यसमा टोखा भगवतीका युक्रेन शेर्पा, रजत तिवारी, दिपेश गुरुङ, बिलेले गोल हान्न सफल भए तर इन्सान र साजनले गोल गर्न सकेनन् ।
वाग्मती युथ क्लब सर्लाहीका देवा गुरुङ, अमर श्रेष्ठ, दिपेश चाम्लिङ राई, अनिल राना, सुमन चाम्लिङ राईले गोल हान्न सफल रहे सो टिमका अभिनाश स्याङ्ताङले गोल गर्न सकेनन् । तर पनि एक गोल अर्थात ४ का विरुद्ध ५ गोल गरी वाग्मती युथ क्लब सर्लाही अघि बढेको छ ।
उक्त खेलको म्यान अफ द म्याच बागमती युथ क्लब सर्लाहीका आयुष राना भए । उनलाई नगद २ दुई हजार ५ सय रुपैयाँ सहित एमओएम ट्रफी दिइएको छ ।
यसैगरी, सोही प्रतियोगिताको आजसम्पन्न दोस्रो खेलमा रोड्स, रामपुर चितवनका विरुद्ध वीरगन्ज युनाइटेड वीरगन्ज युनाइटेडका बीचमा भएको थियो । सो टिमका अमर डंगोलले २३ औं मिनेटमा गोल गरे । त्यस्तै, सोही टिमका रामपुरका लागि २७ मिनेटमा डिका सर्ज र ३६ मिनेटमा सुरेश कुमालले गोल गर्दै ० का विरुद्ध २ गोल गरी आफ्नो टिमलाई अघि बढाएका थिए ।
सो खेलमा आरओडीएस रामपुरका सुरेश कुमालले नगद २ दुई हजार ५ सय रुपैयाँ सहित एमओएम ट्रफी प्राप्त गरेका छन् ।
सो प्रतियोगिताको सोमबारका दिन डिफेन्डिङ च्याम्पियन द्यथ्ऋ ले सेमिफाइनलका लागि सामना एफसीसँग र समाज कल्याणले नखीपोटका बीचमा प्रतिस्पर्धा हुने कार्यक्रम छ ।
यही पुस १२ गतेका दिन उदघाटन भएको उक्त प्रतियोगिताको फाइनल खेल पुस १९ गते हुने कार्यक्रम रहेको छ ।
सो प्रतियोगिताको प्रदेश सभाका सदस्य एवम् उक्त क्लबका पूर्वअध्यक्ष भेषबहादुर पौडेलले उदघाटन गर्नु भएको हो ।
सो प्रतियोगिताको विजेताहरूका लागि पहिलो पुरस्कार पाँच लाख रुपैयाँ त्रिवेणी कप, स्वर्ण पदक र प्रमाणपत्र रहेको दोस्रो पुरस्कार तीन लाख रुपैयाँ रजत पदक र प्रमाणपत्र तथा सेमी फाइनलका उपविजेता दुई टिमलाई ५०÷५० हजार रुपैयाँ नगद र प्रमाणपत्र प्रदान गरिने भएको जानकारी दिनु भयो ।
त्यस्तै, प्रतियोगिताका सर्वोत्कष्ठ खेलाडी, सर्वोत्कष्ठ गोलकर्तालाई १५÷१५ हजार रुपैयाँ स्वर्ण पदक र प्रमाणपत्र तथा क्वाटर फाइनलदेखि प्रत्यके खेलमा म्यान अफ दि म्याच उपाधि प्रदान गरिने भएको अध्यक्ष गुरुङको भनाई छ ।
सो प्रतियोगितामा देशभरका बहुचर्चित १४ टिमले भाग लिएका छन् ।

प्रकाशित मिति २०७९ पुष १६, शनिबार १८:३१ गते