बेसीशहर– फोरि कोभिड– १९ संक्रमण जोखिम बढेको छ । जिल्ला प्रशासन कार्यालय लमजुङद्वारा फोरि कोभिड– १९ संक्रमण जोखिम बढेको सतर्कता अपनाउन अनुरोध गरेसँगै सो खुलासा भएको हो ।
हामीलाई ढिला गरी प्राप्त जानकारी अनुसार जिल्ला प्रशासन कार्यालयले पुस १७ गते एक विज्ञप्ति जारी गरी सतर्कता अपनाउनु अनुरोध गरेको हो । सो विज्ञप्तिमा नेपालमा कोभिडको संक्रमण कम हुदै गएपनि विश्वव्यापी रुपमा हेर्दा छिमेकी राष्ट्र लगायतका केही देशहरूमा संक्रमणको नयाँ भेटिएन्ट देखापरेको हुँदा सतर्क रहन भनिएको छ ।
सहायक प्रमुख जिल्ला अधिकारी भूमीश्वर पोखरेलद्वारा जारी विज्ञप्तिमा नेपालमा पनि जोखिम बढ्न सक्ने भन्दै समयमै सजग र सूसूचित हुन आवश्यक रहेको भनिएको छ । उक्त सार्वजनिक सूचानामा नागरिकलाई सतर्क रहन भनिएको छ । बढी भिडभाड हुने स्थानमा सकेसम्म नजान तथा सार्वजनिक यातायातको साधनहरूमा मास्क तथा स्यानीटाइजरको प्रयोग गर्न प्रशासनले आग्रह गरेको छ । एक अर्कामा भौतिक दुरी कायम राख्न, व्यक्तिगत सरसफाई लगायतका आवश्यक स्वास्थ्य प्रोटोकलको पूर्ण पालनाका लागि नागरिकलाई सचेत गराएको छ ।
प्रकाशित मिति २०७९ पुष २१, बिहीबार ०८:१३ गते
