पदीय दुरुपयोग गरी तस्करीसँग मिलेमतो गर्ने दुई प्रहरीको जिम्मेवारी खोसियो

कैलाली– कैलालीमा पदीय दुरुपयोग गरी तस्करीसँग मिलेमतो गर्ने दुई प्रहरीको जिम्मेवारी खोसिएको छ । जिल्ला प्रहरी कार्यालय कैलालीका प्रहरी नायव निरीक्षक (सई) र प्रहरी सहायक हवल्दारको जिम्मेवारी पुस २१ गते खोसिएको हो ।
सादा पोशाकका प्रहरी प्रमुख रहेका सई सुशील चन्द र सहायक हवलदार नन्दराज भट्टले तस्करीसँग मिलेमतो गरेको पुष्टि भएसँगै उनीहरूलाई सो जिम्मेवारबाट खोसिएको जिल्ला प्रहरी कार्यालयका प्रहरी उपरीक्षक (एसपी) देवेन्द्र पालले बताउनु भयो । उहाँका अनु्सार उनीहरूलाई सादा पोशाकको जिम्मेवारीबाट हटाएर कार्यालयभित्रै अन्य काममा खटाउन थालिएको छ ।
एसपी पालले भन्नुभयो, ‘उनीहरूले तस्करहरूसँग मिलेमतो गरेको भन्दै बेनामे उजुरी परेपछि उनीहरूलाई सो जिम्मेवारीबाट हटाएर आन्तरिक रूपमा छानविन थालिएको छ । छानविनबाट दोषी देखिए उनीहरू दुबै जनालाई थप कारबाही गरिने छ ।’
उहाँले थप भन्नुभयो, ‘उजुरी परेपछि हामीले छानविन गर्नुपर्ने हुन्छ, हामीले आन्तरिक छानविनको प्रक्रियामा छौं, यतिबेला सादा पोशाकमा खटिने उनीहरूको जिम्मेवारीबाट हटाएर कार्यालयकै अन्य काममा लगाइएकोछ ।’