बचतकर्ताहरुको रकम फिर्ता दिन नसकेपछि आफै झुण्डिन थाले सहकारी सञ्चालक

पोखराको डल्फिन सहकारीका म्यानेजर खाती झुण्डिएको अवस्थामा फेला
मृतकले प्रवन्धक पदबाट गत साउनमै राजीनामा गरेका थिए तर सञ्चालकहरूले राजीनामा स्वीकृत नगरी उनलाई काम गर्न दबाब दिदै आएको बुझिएको छ । उनले फसेको ऋण उठेपछि मात्र राजीनामा स्विकृत हुने भन्ने दबाब झेल्दै आएको उनी निटक स्रोतले जनाएको छ ।
पोखरा— बचत सहकारीका सञ्चालकहरू फरारको दायरा नाघेर अब आफै झुण्डिन थालेको भेटिन थालेको छ । पोखरामा सञ्चालित डल्फिन बचत तथा ऋण सहकारी संस्था(साकोस)का व्यवस्थापक ३८ वर्षीय लेखुराम खातीले माघ १५ गते साँझ ७ बजेतिर घरमै झुन्डिएर आत्महत्या गरेको वडा प्रहरी कार्यालय बैदामले पुष्टि गरेको छ ।
सर्वसाधारणले खाइनखाई गरी जम्मान गरेको पैसा हिनामिना गर्ने सहकारीका सञ्चालकहरू फरार रहन थालेकोमा अब भने झुण्डिने अवस्थासम्म पुगेको पाइन थालेको आंकलन गर्न थालिउको छ । मृतक कास्कीको पोखरा महानगरपालिका– ९ शिव टोलमा एक सहकारी सञ्चालक हुन् । मृतक खातीको खल्तीमा तिर्नुपर्ने रकम विवरणसहितको चिट समेत भेटिएको प्रहरीले जनाएको छ ।
सो घटनापछि खातीकी श्रीमती सिर्जना खड्का बेहोस् अवस्थामा छिन् । उनको उपचार गण्डकी मेडिकल कलेजमा उपचार जारी रहेको वडा प्रहरी कार्यालय बैदाम प्रमुख युवराज भण्डारीले बताउनु भएको छ । उहाँका अनुसार मृतकले खाती ह्याप्पी पानी उद्योग सञ्चालकसमेत रहेको खुलेको छ ।
प्रहरीको प्रारम्भिरक अनुसन्धानबाट खातीमाथि बचतकर्ताको रकम फिर्ता गर्न नसकेको भन्दै सञ्चालक समिति र सेयर सदस्य दबाब दिएको र ऋणको बोझले आत्महत्या गरेको हुनसक्ने खुलेको छ । उनी आबद्ध सहकारी सञ्चालक समितिको बैठक आजै दिउँसो बसेको थियो । बैठक सकिएपछि खातीले आत्महत्या गरेको प्रहरीले जनाएको छ ।
मृतकले प्रवन्धक पदबाट गत साउनमै राजीनामा गरेका थिए तर सञ्चालकहरूले राजीनामा स्वीकृत नगरी उनलाई काम गर्न दबाब दिदै आएको बुझिएको छ । उनले फसेको ऋण उठेपछि मात्र राजीनामा स्विकृत हुने भन्ने दबाब झेल्दै आएको उनी निटक स्रोतले जनाएको छ ।
खातीले धेरै ऋण रहेको र दुई÷तीन दिनअघिसम्म साथीभाइसँग सापटी माग्दै हिँडेको उनका निकटस्थहरूले बताएका छन् । खातीमाथि चर्को ऋण थियो उनका साथी अशोक राईले बताउनु भयो । उहाँका अनुसार पछिल्लो समय उनी प्रवन्धकमा कार्यरत डल्फिन साकोस नाजुक हुँदै गएपछि उनी दबाब महसुस गर्न थालेका थिए ।
खाती परिवार पहिले सुकुम्बासी टोलमा बस्थ्यो । उक्त घर बेचेर करिब ७ वर्षदेखि नजिकै लालपूर्जा भएको जग्गा किनेर बसेको पनि उनका साथी राईको भनाई छ ।
मृतक खातीका एक छोरी र छोरा छन् ।