रविका चालक थापा छतबाट खसे, मुकुलका चालक राजवंशीसँग प्रहरीले गर्यो सोधपुछ

काठमाडौ– राष्ट्रिय स्वतन्त्र पार्टी (रास्वपा)का सभापति रवि लामिछानेका चालकसँगै सुतेका सो दलका महासचिव एवम् प्रवक्ता मुकुल ढकालका सवारी चालक कालुराम राजवंशीसँग प्रहरीले गर्यो सोधपुछ गरेको छ । रविका चालक दिलबहादुर थापा बैशाख ४ गते राती भरतपुर महानगरपालिका–११ स्थित घरको अढाई तलाबाट खसेपछि सोधपुछका लागि प्रहरीले राजवंशीसँग प्रहरीले गर्यो सोधपुछ गरेको हो ।
सँगै सुतेका ढकालका सवारी चालक राजवंशीलाई नियन्त्रणमा लिएर सोधपुछ गरिरहेको चितवनका प्रहरी उपरीक्षक (एसपी) रामेश्वर कार्कीले बताउनु भयो । घाइते ३९ वर्षीय चालक थापाको पुरानो मेडिकल कलेजमा उपचार भइरहेको छ । उनी सिन्धुपाल्चोक बाह्रबिसे नगरपालिका– ३ का बासिन्दा हुन् । उनको टाउको र खुट्टामा गम्भीर चोट लागेकोले अवस्था गम्भिर छ ।
बिहान ३ः४५ बजेतिर लामिछानेको घर अगाडि सुरक्षाका लागि ड्यूटीमा रहेका प्रहरीले लामिछानेका सवारी चालक थापा छतबाट खसेको थाहा पाए लगत्तै उद्धार गरी थापालाई उपचारको लागि भरतपुरको पुरानो मेडिकल कलेज पु¥याएका थिए । छतबाट खसेका चालक थापाको अवस्था गम्भीर रहेको अस्पताल स्रोतको भनाइ छ । लामिछानेका सवारी चालक थापा र महामन्त्री ढकालका सवारी चालक दोस्रो तलामा सँगै सुतेका थिए ।
जिल्ला प्रहरी कार्यालय चितवनका प्रमुख, प्रहरी उपरीक्षक (एसपी) रामेश्वर कार्कीले उनीहरू राति २ बजेसम्म पनि नसुतेको पाइएको छ र तीनतले घरमा रहेको सीसी क्यामेरामा आधा भागबाट मात्रै कभर भएको पाइएको जानकारी दिंदै भन्नुभयो, ‘दिलबहादुर खस्दै गरेको देखिन्छ । भुइँमा रहेको गमलामा उनको टाउको ब जारिएको देखिन्छ । अवस्था गम्भीर छ । सभापति (लामिछाने) र महामन्त्री ढकालका सवारी चालक घरको दोस्रो तलामा सँगै सुतेका भन्ने जानकारी मिलेको छ । उहाँका अनुसार खाना खाएर सँगै सुतेका सवारी चालक थापा छतबाट खसेकोबारे आफूलाई केही जानकारी नभएको महामन्त्री ढकालका सवारी चालकको भनाइ छ । ‘सँगै सुतेको हो, तर खसेको थाहा छैन’ महामन्त्री ढकालका सवारी चालकले भनेका छन् । ‘उनीहरूले रक्सी खाएका थिए कि थिएनन् भन्ने परीक्षण गर्न रगतको स्याम्पल निकालेर दिएका छौं,’ एसपी कार्कीले जानकारी दिनुभयो । उहाँका अनुसार प्रहरीले घटनाबारे अनुसन्धान गर्न कसैलाई नियन्त्रणमा नलिएको भए पनि वरपरका मानिसहरूसँग सोधपुछ गरेको छ ।
वैशाख १० गते हुने प्रतिनिधि सभाको उपनिर्वाचनका लागि लामिछाने चितवन– २ बाट प्रतिनिधि सभा सदस्यको उम्मेदवार हुनुहुन्छ भने लामिछाने सहितको टोलीले हिजो बारा– २ मा चुनावी प्रचार गर्ने कार्यक्रम थियो ।
लामीछानेसहितको टोली ३ गते बेलुका तनहुँमा चुनावी प्रचारप्रसार सकेर चितवन आइपुगेको प्रहरीले जनाएको छ ।
‘मौका छोपेर स्तरहीन राजनीतिकरण नगर्नु होला’ : रवि
यसैबीच, राष्ट्रिय स्वतन्त्र पार्टी (रास्वपा)का सभापति रवि लामिछानेले दिउँसो फेसबुकमा स्ट्याटस लेख्दै उनले घटनालाई राजनीतिसँग नजोड्न आग्रह गर्नु भएको छ । उहाँले ‘… यस्तो बेला योभन्दा धेरै मसँग तपाईंलाई भन्ने कुनै शब्दै छैन । म नेताभन्दा पहिले मानिस हुँ । म पनि थाक्छु, गल्छु । मेरा आँखामा पनि आँसु आउँछन्, बिन्ती छ, यस्तो चोट लागेको बेला सहानुभूति र प्रार्थनाको साटो नुन चुक बोकेर नआउनु होला । स्तरहीन बनेर राजनीतिकरण नगर्नु होला ।’ लेख्नु भएको छ ।

‘…सक्नुहुन्छ भने मलाई सहने शक्ति मात्रै दिनुहोला । मेरो सहयोगी, मेरो साथी, मेरो भाइ शम्भु अस्पतालको शय्यामा संघर्ष गरिरहेको छ । उसका लागि प्रार्थना गरिदिनुहोला । स्वास्थ्यलाभको कामना गरिदिनुहोला, राजनीति गर्न सिंगो जीवन छ । यस्तो संवेदनशील घडीमा मौका नछोप्नुहोला ।’ रविले लेख्नु भएको छ ।
यो घटनाको प्रहरीले अनुसन्धान गरिरहेकाले आफूले धेरै नबोल्ने उहाँको भनाई छ ।