दमौली– तनहुँ– १ को उपनिर्वाचनको परिणाममा राष्ट्रिय स्वतन्त्र पार्टी (रास्वपा)का उमेदवार स्वर्णिम वाग्लेको अग्रता कायमै छ । जसमा रास्वपाका स्वर्णिम वाग्ले तीन हजार २१३ मतले काँग्रेसका गोविन्द भट्टराईभन्दा अघि हुनुहुन्छ । यो विहान ७ बजेसम्म १० हजार ६३८ मत गणनाको परिणाम हो ।
अहिलेसम्म राष्ट्रिय स्वतन्त्र पार्टीका स्वर्णिम वाग्लेले पाँच हजार नौ सय मतका साथ अग्रता हासिल गर्नु भएको छ । उहाँले गणनाको प्रारम्भिक चरण देखिनै अग्रता हासिल गर्नु भएको हो ।
घोषित मत परिणाम अनुसार सत्ता गठबन्धनको तर्फबाट नेपाली कांग्रेसका गोविन्द भट्टराईले दुई हजार ६८७ मत तथा एमालेका सर्वेन्द्र खनाल एक हजार ६५७ मत तेस्रो स्थानमा हुनुहुन्छ ।
हालसम्मको यो नतिजाले नेपाली काँग्रेसको किल्लाका रुपमा परिचित सो क्षेत्र भत्किने संकेत देखिएको छ ।
प्रकाशित मिति २०८० बैशाख ११, सोमबार ०७:०० गते
