राष्ट्रिय स्वतन्त्र पार्टीको वडा भेलामा उत्साहजनक सहभागिता

बेसीशहर– राष्ट्रिय स्वतन्त्र पार्टी जिल्ला समिति लमजुङ संगठन विस्तारमा सक्रियतापूर्वक जुटिरहेको छ । यसै क्रममा बेसीशहर नगरपालिका– ७, ८ र ९ को वडा समिति गठनका लागि वडानं– ७ स्थित शान्तिटोल तमु भवनका आयोजना गरिएको भेला उत्सहजनक रह्यो । सो दलका केन्द्रीय सदस्य, सामाजिक अभियन्ता एवम् प्रखरवक्ता रमेश प्रसाईको प्रमुख आतिथ्यता र सोही दलका अर्का केन्द्रीय सदस्य बसुमाया तामाङ र जिल्ला संयोजक धर्म केसीको विशेष आतिथ्यता रहेको सो भेला जेठ १३ गते यहाँ सम्पन्न भएको हो ।
बेसीशहर नगर कमिटिका सभापति कृष्ण राउतको अध्यक्षतामा भएको उक्त भेलाले ७, ८ र ९ वडाको अध्यक्षमा क्रमशः राजकुमार घिमिरे, धुर्वप्रसाद ढकाल र भगवानसिंह अर्याललाई चयन गरेको छ । प्रस्तुत छ, सो भेलाको फोटो फिचर :