काठमाडौं– भारतमा निर्माण गरिएको हिन्दी कथानक चलचित्र ‘आदिपुरुष’का लेखक मनोज मुन्ताशिर शुक्लाले अन्ततः माफी मागेका छन् । ‘आदिपुरुष’ सिनेमाले हिन्दु धर्मका बारेमा गलत प्रचार गर्दै रामायणका पात्रहरूलाई गलत रूपमा देखाएको भन्दै आलोचना भएपछि उनले सामाजिक सञ्जाल फेसबुकमार्फत असार २३ गते माफी मागेका हुन् ।
सुरुमा लेखक मनोज मुन्ताशिर शुक्लाले माफी माग्न अस्वीकार गरेका थिए । तर यतिबेला उनले आफ्नो स्पष्टिकरणमा जनताको भावनालाई स्वीकार गर्ने पनि बताएका छन् । उनले आफू घाइते भएको भन्दै भनेका छन्, ‘सम्पूर्ण दाजुभाइ दिदीबहिनी, आदरणीय सन्त तथा श्रीरामका भक्तजनहरूमा हात जोडेर बिनाशर्त माफी चाहन्छु । भगवान बजरंगबलीले हामी सबैको कल्याण गरून् ।’
प्रकाशित मिति २०८० असार २४, आईतवार ०६:३४ गते
