बेसीशहर– दरिलो नेता जन्माउन नसकेको कारण सधैं छायामा पर्ने गरेको लमजुङ अब भने विशेष अवस्थामा चर्चामा आउन थालेको छ । नेकपा एमाले लमजुङका नेता पृथ्वीसुब्बा गुरुङ गण्डकी प्रदेशको पहिलो मुख्यमन्त्री हुँदै हाल सो दलको सहमहासचिव हुनुभए पछि लमजुङको सेप विस्तारै हट्ने संकेत देखिएको हो । यतिेबेला सोही दलको गण्डकी प्रदेशस्तरीय पहिलो अधिवेशनका लागि जिल्ला जिल्लाबाट प्रतिनिधि छनौटको रौनक सुरु भएको छ । गण्डकी प्रदेशको एमालेको यही असोज १५ र १६ गते हुने पहिलो गण्डकी प्रदेश प्रथम अधिवेशनको तयारी गरिएको छ ।
सोही क्रममा लमजुङबाट सो दलका केन्द्रीय सदस्य रहनु भएका मायानाथ अधिकारीले प्रदेश प्रतिनिधिका लागि जिल्लामा उम्मेदवारी दर्ता गराउनु भएसँगै सो दलमा सरगर्मी बढेको हो । केन्द्रीय सदस्यको प्रतिनिधिमा उम्मेद्वारी दर्तासँगै उहाँ गण्डकीको नेतृत्व अर्थात अध्यक्ष पदको आंकक्षीका रुपमा हेरिएको छ ।
भूमिगत कालमा काभ्रेबाट २०४५ सालदेखि पार्टीको पदीय जिम्मेवारी (उपसचिव) लिन थाल्नु भएका अधिकारी काभ्रे र सिन्धुपाल्चोकको समेत नेतृत्व(सचिव भएर) गर्नु भयो । त्यसपछि गृह जिल्ला सरुवा हुने क्रममा ०४८ सालदेखि गण्डकीको अञ्चल सदस्य तथा लमजुङको उपसचिवको जिम्मेवारी लिने क्रममा उहाँले तीन कार्यकाल उपसचिवको जिम्मेवारी निभाउनु भयो । २०५८ सालमा पृथ्वीसुब्बा गुरुङ सो दलको केन्द्रीय सदस्य भएपछि जिल्ला सचिवको जिम्मेवारी लिन थाल्नु भएका अधिकारीले ०६५ सालसम्म सो जिम्मेवारीमा रहनु भयो । ०६७ मा राष्ट्रिय प्रतिनिधि परिषदको सदस्य बन्नु भएका उहाँ ०६९ का गण्डकी अञ्चलको संगठन विभाग प्रमुखको जिम्मेवारीमा चयन हुनु भएको हो । ०७१ को नवौं केन्द्रीय महाधिवेशनमा पूर्णकेन्द्रीय सदस्य (भुगोलबाट) चयन हुनु भएका उहाँ १० औं अधिवेशनमा पनि सोही पदमा निर्वाचित हुनु भएको हो । यो बीचमा जिल्ला इन्चार्ज, गण्डकीको सहइन्चार्ज समेतको भूमिकामा रहनु भएका अधिकारी गण्डकी प्रदेशको स्कूल विभागको संयोजक समेत हुनुहुन्छ ।
प्रदेश प्रतिनिधिका लागि उम्मेदवारी दिए पनि अधिकारी गृहजिल्लामै निर्विरोध हुन भने बाँकी छ । भोलि साँझ सम्मको समय छ, सहमति हुन्छ भन्ने विश्वास छ उहाँले यो प्रतिनिधिसँग भन्नुभयो । केन्द्रीय सदस्यले प्रदेश प्रतिनिधिका लागि किन उम्मेदवारी दिनु भएको हो ? भन्ने जिज्ञासामा पार्टी विधानले प्रदेशको अध्यक्षलाई पोलिटब्यूरो सदस्यको मान्यता दिने व्यवस्था ग¥यो । मैले कुनै पक्षको नभई सबै नेताहरूके सहमतिमा सर्वसम्मत रुपमा प्रदेशको जिम्मेवारी किन नलिने ? भन्ने सोचले प्रतिनिधिका लागि उम्मेदवारी दिएको हुँ अधिकारीले उल्लेख गर्नुभयो ।
एमालेका सहमहासचिव पृथ्वीसुब्बा गुरुङका निकट मानिनु हुने अधिकारी गण्डकीमा सोही समूहबाट अध्यक्षको उम्मेवादरी दिने बजारमा चर्चा छ । गण्डकी प्रदेशमा पृथ्वीसुब्बा गुरुङ र खगराज अधिकारी प्यानलका बीचमा प्रतिस्पर्धा हुने तयारी रहेको एमालेका कार्यकर्ताहरूको बुझाई छ ।
यतिबेला लमजुङबाट एमालेको केन्द्रमा चारजनाले प्रतिनिधित्व गरी रहेको भएता पनि अन्य सहमहासचिव पृथ्वीसुब्बा गुरुङ तथा केन्द्रीय सदस्य द्वय टुका हमाल र जमिन्द्रमान घलेले भने त्यस्तो उम्मेदवारी दिनु भएको छैन ।
प्रदेश सम्मेलन प्रतिनिधीको ६५ जना प्रतिनिधिका लागि ९१ जनाको उम्मेदवारी :
नेकपा एमाले गण्डकी प्रदेश सम्मेलन प्रतिनिधीका लागि मनोनयन, ६५ जना प्रतिनिधिका लागि ९१ जनाको उम्मेदवारी परेको र दुई पालिकामा निर्विरोध भएको एमालेले जनाएको छ ।
जिल्लाका आठवटा स्थानीय तहहरूबाट प्रतिनिधित्व गर्न संगठित सदस्य सँख्याको आधारमा निश्चित संख्या निर्धारण भए पनि कतिपय पालिकाहरूमा निर्धारित संख्या भन्दा बढीको उम्मेदारी परेको हो । प्रदेश सम्मेलनमा जिल्लाबाट संगठीत सदस्य सँख्याको आधारमा प्रतिनिधीले सहभागिता जनाउन पाउने प्रावधान छ ।
आठवटै स्थानीय तहबाट खुल्ला, महिला, उत्पीडित र ४० वर्ष भन्दा कम उमेरका गरी संगठीत सदस्यताको आधारमा प्रतिनिधित्व गर्न पाउने व्यवस्था छ । स्थानीय तहबाट केही प्रतिनिधिहरू सर्वसम्मत भए पनि आकांक्षीहरू धेरै हुँदा केही प्रतिनिधीहरू छनौट निर्विरोध हुन नसकेको नेकपा एमाले लमजुङले जनाएको छ ।
प्रथम सम्मेलन प्रतिनिधिका लागि असोज ६ गते आठवटै स्थानीय तहहरूमा उम्मेदारी मनोनयन दर्ता भएको हो । जसमध्ये बेसीशहरबाट उत्पीडित समुदायको प्रतिनिधि बाहेक सबै विधामा निर्धारित संख्या भन्दा बढीको उम्मेदवारी परेको छ । बेसीशहरमा खुल्लातर्फ सात जना हुनुपर्नेमा १४ जना, महिलातर्फ चारजना हुनुपर्नेमा पाँचजना र ४० वर्ष मुनिका एकजना हुनुपर्नेमा तीन जनाको उम्मेदारी परेको एमाले लमजुङले जनाएको छ ।
जिल्लोको दोस्रो ठूलो सुन्दरवजार नगरपालिका अन्तर्गत उत्पीडित र ४० वर्ष मुनिको विधामा सर्वसम्मत प्रतिनिधी चयन भएका छन् । सो बाहेक खुल्लातर्फ चारजना हुनुपर्नेमा नौजना र महिलातर्फ दुईजना हुनुपर्नेमा चार जनाको उम्मेदारी परेको छ । जिल्लाको मध्यनेपाल नगरपालिका अन्तर्गत महिला र उत्पीडित विधामा सर्वसम्मत प्रतिनिधी चयन भएका छन् । खुल्लातर्फ चारजना हुनुपर्नेमा सात जनाको उम्मेदारी परेको छ ।
जिल्लाको राइनास नगरपालिका अन्तर्गत उत्पीडित विधामा सर्वसम्मत भएको छ । खुल्ला र महिला प्रतिनिधिमा आवश्यक भन्दा बढीको उम्मेदारी परेको छ । खुल्लातर्फ चारजना हुनुपर्नेमा ६ जना र महिलातर्फ एकजना हुनुपर्नेमा दुईजनाको उम्मेदारी परेको नेकपा एमालेका प्रेस संयोजक कृष्ण केसीले बताउनु भएको छ ।
दोर्दी गाउँपालिकामा पनि उत्पीडित विधामा सर्वसम्मत भएको छ । खुल्ला र महिलातर्फ आवश्यक भन्दा बढीको उम्मेदारी परेको छ । दोर्दीमा खुल्लातर्फ चारजना हुनु पर्नेमा पाँचजना र महिलातर्फ एकजना हुनुपर्नेमा दुईजनाको उम्मेदारी परेको छ ।
यसैबीच, क्होलासोँथार गाउँपालिका र दुधपोखरी गाउँपालिकाका सबै सर्वसम्मत प्रतिनिधि चयन भएको सो दलका प्रेस संयोजक केसीले जानकारी दिनु भएको छ । उहाँका अनुसार मस्र्याङदी गाउँपालिकामा महिला बाहेक सबै विधामा सर्वसम्मत प्रतिनिधी चयन भएका छन् । महिला प्रतिनिधी एकजना हुनुपर्नेमा तीन जनाको उम्मेदारी परेको छ ।
प्रदेश सम्मेलन प्रतिनिधीका लागि निर्धारित संख्या भन्दा धेरै आकाक्षी भएका स्थानीय तहहरूमा असोज ९ गते निर्वाचन गर्ने कार्यतालिका छ । यद्यपी त्यसअघि सबै पालिकाहरूमा सर्वसम्मत प्रतिनिधि छनौटको पहल चलिरहेको नेकपा एमाले लमजुङका सचिव सुवास पौडेलले उल्लेख गर्नुभयो ।
कहाँ कति उम्मेदवारी ?
नगरपालिकाहरू बेसीशहरमा १५ जना प्रतिनिधिका लागि २५ जना, सुन्दरबजारमा ९ जनाका लागि १६ जना, मध्यनेपालमा ७ जनाका लागि १० जना, राइनासमा ७ जनाका लागि १० जनाको उम्मेदवारी परेको छ । त्यस्तै, गाउँपालिकाहरू दोर्दीमा ७ जनाका लागि ९ जना, मस्र्याङ्दीमा ९ जनामा महिला बाहेका अरु सर्वसम्वत भएको बताइन्छ ।
त्यस्तै, उत्पीडित तर्फ जिल्लाभर १६ जना रहेकोमा सबै जना सर्वसम्वत चयन भएका छन् । महिला तर्फ १३ जना रहेकोमा ३ जना सर्वसम्वत र १६ देखि ४० बर्ष मुनिका ३ जना रहेकोमा मस्र्याङ्दी र सुन्दरबजारमा सर्वसम्वत भएको छ । बेसीशहरमा १ जनाका लागि ३ जनाको उम्मेद्वारी परेको छ । उम्मेदवारी फिर्ता लिने समय आज ८ गते बेलुका ५ बजेसम्मका लागि तोकिएको छ ।
प्रतिनिधिहरूको सर्वसम्वत छनौट नभएमा असोज ९ गते मतदान गर्ने कार्यक्रम रहेको प्रथम अधिवेशन प्रतिनिधि छनोट निर्वाचन कमिटीका संयोजक बिमल अधिकारीले बताउनु भयो । उहाँका अनुसार निर्वाचन तालिका अनुसार ६ गते मनोनयन दर्ता, ७ र ८ गते मनोनयन फिर्ता, ८ गते बेलुका उम्मेद्वार अन्तिम नामावली प्रकाशन र सहमती नभएको खण्डमा ९ गते निर्वाचन गर्ने कार्यक्रम रहेको छ ।
बेसीशहरमा १५ का लागि २५ को उम्मेद्वारी ;
गण्डकी प्रदेशको प्रथम अधिवेशनको लागि बेसीशहर नगरपालिकामा १५ जनाको लागि २५ जनाको उम्मेदवारी दर्ता भएको छ । यहि असोज १५ गतेबाट शुरु हुने प्रदेश अधिवेशनमा अस्ति ६ गतेबाट प्रतिनिधि छनौटका लागि मनोनयन दर्ता गर्ने क्रम सुरु भएको हो । सोही क्रममा बेसीशहरमा यति ठूलो संख्यामा उम्मेदवारी पर्न गएको हो ।
बेसीशहर नगरपालिकामा खुल्लातर्फ ७ जना प्रतिनिधि हुनुपर्नेमा १४ जनाको मनोनयन दर्ता भएको छ । खुल्लातर्फ पार्टी अध्यक्ष कृष्णप्रसाद अधिकारी, हाल प्रदेश कमिटीका सदस्यहरू महेन्द्रलाल श्रेष्ठ, फुलबहादुर थापा, गुमानसिंह अर्याल, गोबिन्द बस्नेत, केशर खत्री, दुधप्रसाद घले रहेको निर्वाचन कमिटीका संयोजक बिमल अधिकारीले बताउनुभयो ।
उहाँका अनुसार खुल्ला तर्फमा नै जनामा पार्टी जिल्ला सचिव सुभाष पौडेल, राजेन्द्र बोहरा, शिवप्रसाद जोशी, राजकुमार विष्ट, रामकुमार श्रेष्ठ, जिवराज घले र शरद बरालको मनोनयन दर्ता छ । महिलातर्फ ४ जना प्रतिनिधि रहेकोमा ५ जना पवित्रा थापाराना, बुनाकुमारी रिमाल, विष्णुमाया राना, यशोदा रिमाल र लक्ष्मीदेवी अधिकारी रहेको बताइएको छ ।
त्यस्तै, १६ देखि ४० बर्ष उमेर समुहमा १ जना प्रतिनिधि रहेकोमा गणेश पाण्डे, जुन तामाङ र प्रदिप घिमिरेको मनोनयन दर्ता छ । त्यस्तै, उत्पिडित तर्फ ३ जना सर्वसम्मत चुनिएका छन् । सर्वसम्मत चयन हुनेमा विवश बुढाथोकी, हिरालाल विश्वकर्मा र बिमला हिमाली हुनुहुन्छ ।
प्रकाशित मिति २०८० आश्विन ७, आईतवार १९:०६ गते
