कान्तिपुरका साहु सिरोहियाले नागरिकता दिने व्यक्तिको दस्तखत बिनाको नागरिकता बोक्ने गरेको खुलासा

काठमाडौं– कान्तिपुरका साहु कैलाश सिरोहियाले नागरिकता दिने व्यक्तिको दस्तखत बिनाको नागरिकता बोक्ने गरेको खुलासा भएको छ । उनका बाबु अंगीकृत नागरिक तर उनी भने बंशजको भएको थप रहस्य समेत उनको गिरफ्तारीपछि जेठ ८ गते थप खुल्न आएको छ ।
सिरोहियालाई म्याद थपका लागि धनुषा जिल्ला अदालतमा उपस्थित गराइने भएको छ । सिरोहियाविरुद्ध धनुषा जिल्ला अदालतले हिजो पक्राउ अनुमति दिएको थियो । जिल्ला प्रहरी कार्यालय धनुषामा दर्ता भएको जाहेरीमा सिरोहियाले दुईवटा फरक नम्बरको नागरिकता प्रयोग गरेको जिकिर गरिएको छ ।
सिरोहियाको गिरफ्तारीलाई पत्रकारितासँग नजोड्न सम्बद्ध विज्ञहरूले बताएका छन् । वरिष्ठ पत्रकार डा. विजय मिश्रले समेत यस्तो बताउनु भएको हो । उहाँले समेत कान्तिपुरमा लामो समय काम समेत गर्नु भएको व्यक्तित्व हो । उहाँले भन्नुभएको छ, ‘सिरोहियाको नक्कली नागरिकताका बारेमा यसअघि पनि कुरा उठेको थियो, त्यो बेलामा उनको पहुँचको कारणले कसैले उजुरी गरेन । ऐले परिस्थिति बदलिएको छ, त्यसैले उजुरी पर्यो र गिरफ्तारी भएको हो ।’ यस घट्नामा अन्धभक्त भएर उनको पक्षमा बोल्न मनासिब होइन डा. मिश्रले बताउनु भएको छ । यो गिफ्तारीमा गृहमन्त्रीलाई जोड्न आवश्यक छैन, यो अदालती कुरा हो, अदालत गृहमन्त्रालय अन्तरगत छ र ? मिश्रको प्रतिप्रश्न छ ।
सिरोहियालाई म्याद थपका लागि आज जेठ ९ गते धनुषा जिल्ला अदालतमा उपस्थित गराइने मधेस प्रदेशका डीआईजी यज्ञविनोद पोखरेलले बताउनु भएको छ । उहाँका अनुसार उनीविरुद्ध जिल्ला प्रहरी कार्यालय धनुषामा १७ वैशाखमा जाहेरी दर्ता भएको छ । उहाँले भन्नुभयो, ‘म्याद लिएर थप अनुसन्धान गर्छौं ।’
सिरोहियाले दुई कम्पनीमा फरक फरक नागरिकता पेश गरेको फेला गरेको अनुसन्धानमा संलग्न प्रहरीले जनाएको छ ।
सिरोहिया गिरफ्तारीलाई पत्रकार महासंघले प्रेस तथा अभिव्यक्ति स्वतन्त्रतालाई बन्देज गर्ने मनशायबाट हुने राज्यशक्तिको दुरुपयोग गरेको जनाएको छ ।
पूर्वप्रधानमन्त्री डा. बाबुराम भट्टराई, नेपाली कांग्रेसका सभापति शेरबहादुर देउवा, कांग्रेसकै नेता डा. शेखर कोइराला, कांग्रेसका महामन्त्री गगन थापा, कांग्रेस नेता बिमलेन्द्र निधीले समेत सिरोहियाको पक्षपोषण गर्ने काम गर्नु भएको छ ।