लमजुङ– जिल्ला सदरमुका स्थित बेसीशहर खानेपानी तथा सरसफाई उपभोक्ता समितिको निर्वाचनको मत गणना असार ९ गते विहान ९ः३० बजे सुरु भएको छ । मतदान गणनाको प्रारम्भिक नतिजा प्राप्त भएको छ । तीन सय मत गणना गर्दा प्रगतिशील पक्षका उम्मेदवार रामबहादुर गुरुङको समूह अधिकांश पदमा अघि देखिएको छ ।
तीन सय मत गणना हुँदा अध्यक्ष पदमा रामबहादुर गुरुङले ९६ मत, लोकन्द्र गुरुङले ६८ मत र विष्णु घिमिरेले ३९ म पाउनु भएको छ । त्यस्तै, उपाध्यक्षमा श्रद्धा पौडेलले ८४, आशकुमारी गुरुङ ५९ मत र सविता अधिकारी बरालले ४७ मत पाउनु भएको छ ।
सचिव शम्भुलाल श्रेष्ठ ७३, चन्द्रकान्त पौडेल ६५ र श्याम अर्यालले ३८ मत पाउनु भएको छ । त्यस्तै, कोषाध्यक्ष नन्दलाल श्रेष्ठ ९३ मत, भगवान पिया ६५ मत र मीना खड्काले ३८ मत पाउनु भएको छ ।
महिला सदस्यहरूमा अपना खनाल अधिकारी र अतिरुपा सेढाईले ६४÷६४ मत, भीममाया तामाङ गुरुङ ३३, युक्मी गुरुङ ८७, वासमाया दुलाल १९ र रविना रिमालले ८५ मत पाउनु भएको छ ।
यसैगरी, दलित सदस्यमा केशब दुलाल ४१, गणेश कामी ५१, गोपाल परियारले १०६ मत पाउनु भएको छ ।
त्यस्तै, खुला सदस्यमा अजितबहादुर अधिकारी ७३, अहलदिन मिया २१, टिकाराम वाग्लेले ५० मत पाउनु भएको छ भने दीपेश श्रेष्ठ(दिपु)ले ५९ मत, नरहरि पौडेल ७८, भक्तबहादुर अधिकारी ४०, भीमसेन अधिकारी ८८, राजन पौडेल ४३, विनोद तामाङ ७७, विष्णु सुयल ४१ र शान्तिबहादुर अधिकारीले ७३ मत पाउनु भएको निर्वाचन समितिका संयोजक हरि रानाभाटले बताउनु भएको छ ।
केही मतको विभिन्न पदमा खाली राखिएको केहीमा आवश्यक भन्दा बढी संख्यामा मत चिन्ह संकेत गरिएको देखिएको छ भने मत गणनाका क्रममा यौटा यस्तो पनि मत फेला परेको छ ।
मतगणना कार्य तीन ठाउँमा भएको छ तर पनि एक सय मत गणना गर्न करिब सवाघण्टाको समय लागेको छ । यसप्रकार अन्तिम नतिजा आउन छ बज्ने संकेत देखिएको छ । यसपछि अनुभवका आधारमा केही छिटो हुन सक्ने पनि आंकलन छ ।
प्रकाशित मिति २०८१ असार ९, आईतवार १२:१३ गते
