लमजुङ– जिल्ला सदरमुका स्थित बेसीशहर खानेपानी तथा सरसफाई उपभोक्ता समितिको निर्वाचनको हालसम्म १२२७ मतको नतिजा प्राप्त भएको छ । असार ९ गते जारी मतगणनाको परिणममा प्रगतिशील पक्षका उम्मेदवार रामबहादुर गुरुङ ६६ मतले अघि हुनुुहन्छ ।
१२२७ मत गणना हुँदा अध्यक्ष पदमा प्रगतिशील गठबन्धनका रामबहादुर गुरुङले ५१० मत पाउनु भएको छ भने लोकतान्त्रिक गठबन्धनका लोकन्द्र गुरुङले ४४४ मत पाउनु भएको छ । त्यस्तै स्वतन्त्र समूहका विष्णु घिमिरेले २१३ मत पाउनु भएको छ । उपाध्यक्षमा श्रद्धा पौडेल ७९ मतले पछि देखिनु भएको छ । उहाँले ४१३ मत ल्याउनु हुँदा लोकतान्त्रिक गठबन्धनकी आशकुमारी गुरुङ ४९२ मत पाउनु भएको छ भने स्वतन्त्र समूहकी सविता अधिकारी बरालले सो समूहका अध्यक्षकै बराबर २१३ मत पाउनु भएको छ ।
सचिवमा प्रगतिशील गठबन्धनका शम्भुलाल श्रेष्ठले ५१३ मतका ल्याउँदा लोकतान्त्रिक गठबन्धनका चन्द्रकान्त पौडेल ४४९ मत ल्याउनु भई १२२ मतले पछि हुनुहुन्छ । त्यस्तै, स्वतन्त्रसमूहका श्याम अर्यालले २२८ मत पाउनु भएको छ । त्यस्तै, कोषाध्यक्ष प्रगतिशील गठबन्धनका नन्दलाल श्रेष्ठ ४८६ मत, लोकतान्त्रिक गठबन्धनका भगवान पिया ४३० मत र स्वतन्त्र समूहका मीना खड्काले २०४ मत पाउनु भएको छ ।
महिला सदस्यहरूमा लोकतान्त्रिक समूहकी अतिरुपा सेढाईले ४४१ मत, युक्मी गुरुङ ४८०, अपना खनाल अधिकारीले ३६७, भीममाया तामाङ गुरुङ २१३, वासमाया दुलाल १०६ र सविना रिमालले ४५४ मत पाउनु भएको छ ।
यसैगरी, दलित सदस्यमा गोपाल परियारले ५६१ मत ल्याउनु भएको छ । उहाँ प्रगतिशील गठबन्धनको हुुनुहुन्छ । सोही सदस्य पदमा स्वतन्त्रका केशव दुलाल १७२ मत र लोकतान्त्रिकका गणेश कामी ३७७ मत पाउनु भएको छ ।
त्यस्तै, खुला सदस्यमा अजितबहादुर अधिकारी ३८५, अहलदिन मिया १३८, टिकाराम वाग्लेले ३६२ मत पाउनु भएको छ भने दीपेश श्रेष्ठ(दिपु)ले ३५३ मत, नरहरि पौडेल ३६९, भक्तबहादुर अधिकारी १९८, भीमसेन अधिकारी ४२७, राजन पौडेल ४३७, विनोद तामाङ ४२८, विष्णु सुयल २३२ र शान्तिबहादुर बस्नेतले ३८९ मत पाउनु भएको निर्वाचन समितिका संयोजक हरि रानाभाटले बताउनु भएको छ ।
केही मतको विभिन्न पदमा खाली राखिएको केहीमा आवश्यक भन्दा बढी संख्यामा मत चिन्ह संकेत गरिएको देखिएको पाइएको छ ।
ऐलेसम्म घोषित परिणाममा प्रगतिशील गठबन्धनका गोपाल परियारले सर्वाधिक पपुलर मत ५६१ पाउनु भएको छ । उहाँले उहाँकै अध्यक्ष पदका उम्मेदवारभन्दा ५१ मत बढी हो ।
सो मतगणना कार्य विहान ९ः३० बजे सुरु भएको थियो ।
प्रकाशित मिति २०८१ असार ९, आईतवार १८:३० गते
