११ औं रनिङ्ग शिल्ड फुटबल प्रतियोगिताको उपाधि लगातार दोस्रो वर्ष पनि गन्नी फुटबल क्लब पोखरालाई

जिता(लमजुङ)– लमजुङमा सञ्चालित ११ औं बिष्णुबहादुर गुरुङ एन्ड मन्जाबहादुर एण्ड मन्जाबहादुर गुरुङ खुला रनिङ शिल्ड प्रतियोगिताको पहिलो उपाधि गन्नी फुटबल क्लब पोखराले हातमा परेको छ । सो प्रतियोगिता मध्यनेपाल नगरपालिका– १ को जिताकोटमा सोही स्थान स्थित जितोकोट फ्युचर स्टार युवा क्लबले साउने संक्रान्तिको उपलक्ष्यमा आयोजना गरेको हो ।
प्रतियोगिताको साउन ९ गते भएको फाइनल खेल खमारी बोट फुटबल क्लब कुन्छा बजार लमजुङ र गन्नी फुटबल क्लब पोखरा कास्कीका बीचमा भएको थियो । अत्यन्तै प्रतिष्पर्धात्मक रहेको सो प्रतियोगिताको खेल अवधिमा दुवैतर्फबाट एक एक गोल भएको थियो । शुरुमा खमारी बोट फुटबल क्लबले गोल गर्न सफल भएको गन्नी फुटबल क्लब पोखराले तुरुन्तै गोल फिर्ता गरेको थियो । थप समयावधि पनि गोल रहित वित्यो । अन्ततः पेनाल्टी सुट आउटमा लगतार ६ गोल गरेर पोखरा टिम ७– १ गोत अन्तरले बिजयी भएको हो ।
यस प्रकार साउने सक्रान्तिको अवसरमा खेलाइएको सो प्रतियोगिताको पहिलो उपाधि गत बर्ष पनि गन्नी फुटबल क्लबले नै हात पार्न सफल भएको हो । लगातार दोस्रो बर्ष पनि रनिङ शिल्ड जिते पश्चात उसले शिल्ड पचाउन सक्ने सम्भावना बढेको छ । सो क्लबले पहिलो उपाधिका साथमा प्रथम पुरस्कार सय तोला चाँदीको रनिङ शिल्ड १ लाख ५१ हजार नगद, ट्रफी, मेडल र प्रमाण पत्र पाएको छ । सेभेन ए साइडमा सञ्चालन गरिएको प्रतियोगितामा जम्मा ३८ टिमले भाग लिएका थिए ।
द्वितीय हुने खमारी बोट फुटबल क्लबले पुरस्कार स्वरुप ८१ हजार नगद, सय तोला बराबरको चाँदीको कप, ट्रफी, मेडल र प्रमाण पत्र पाएको छ । प्रतियोगिताको समापनका अवसरमा मध्यनेपाल नगरपालिका उपप्रमुख सीता गुरुङले सो पुरस्कार र प्रमाणपत्र हस्तान्तरण गर्नु भयो । उहाँले पुरस्कार रकम, ट्रफी, मेडल र प्रमाण पत्र हस्तान्तरण गर्दै बधाई दिनु भएको थियो । यसैगरी, सेमी फाइनलमा पुगेका मानचौका फुटबल क्लब भानु– ११, तनहूँ र करापुटार फुटबल क्लब रामबजार, लमजुङले २५÷२५ सय नगद कप, ट्रफी, मेडल र प्रमाण पत्र प्रदान गरिएको आयोजक क्लबका सचिव रामबाबु खवासले बताउनु भयो । उहाँका अनुसार सो प्रतियोगितामा उत्कृष्ट खेलाडिमा खमारी बोट फुटबल क्लबका बिक्की चामलिङ् राइ, उत्कृष्ट गोलकिपर गन्नी फुटबल क्लबका आकाश रानाभाट र सर्वाधिक गोल कर्ताको उपाधि गन्नी फुटबल क्लबका अनुज भन्डारीले प्राप्त गर्न सफल भए । उनीहरू तीनै जनालाई जनही नगद ५ सय मेडल र प्रमाण पत्र प्रदान गरिएको थियो ।
यसैगरी, उत्कृष्ट टिम करापुटार फुटबल क्लब रामबजारलाई १० हजार र प्रमाण पत्र दिएको आयोजक क्ल्बका क्लबका अध्यक्ष रामकृष्ण भुजेलले बताउनु भयो । उहाँका अनुसार सो प्रतियोगिता जितामा सञ्चालन भएको ४१ औं हो रनिङ शिल्डको प्रतियोगिता मात्र ११ औं हो । उहाँले भन्नुभयो, ‘साउन २ गतेदेखि सञ्चालन भएको प्रतियोगितामा लमजुङ् तनहुँ कास्की र चितवन लगायतका जिल्लाका ३८ टिमले भाग लिएका थिए ।’
समापन कार्यक्रमको अन्त्यमा चन्दा दाता सहयोगीदाताहरूलाई सहयोग राशि अनुसार सम्मान पत्रद्वारा सम्मान गरिएको थियो ।