चौथो दुराडाँडा कप समापन भोलि : लगातारको बिजेता बनेको सत्रसय समूह पहिलो चरणमै बाहिरियो

दुराडाँडा– लमजुङको ऐतिहासिक थलो दुराडाँडाको अर्चल्यानीमा सञ्चालन भएको चौथो दुराडाँडा कप फुटबल तथा भलिबल प्रतियोगिता २०८१ को समापन भोलि कार्तिक ३० गते हुने भएको छ । नमुना क्लब पुरानाडिहीको आयोजनामा सो प्रतियोगिता गरिएको हो ।
स्थानीय संस्कृति सदन माध्यमिक बिध्यालयको खेल मैदानमा सो प्रतियोगिता असोज २५ गते सुरु भएको हो । प्रतियोगितामा साविक दुराडाँडा गाविसका वडाहरूले भाग लिएका छन् । पहिलो दिन भलिबलतर्फका सबै खेलहरू सम्पन्न भएको आयोजक नमुना क्लबका खेल संयोजक राजेन्द्र भुजेलले जानकारी दिनु भयो । उहाँका अनुसार भलिबलतर्फ साबिक वडा नं ६ अर्चल्यानी बिजेता बनेको छ । त्यस्तै, साविक वडा नं ३ पोखरी टाउका उपविजेता बनेको भुजेलले जानकारी दिनुभयो ।
यसैगरी, फुटबलतर्फको क्वाटर फाईनलसम्मका खेलहरू असोज २८ गते साँझसम्म सम्पन्न भएका छन् । आयोजक नमुना क्लब साविक २ र साविक ३ समूह ए बाट सेमिफाईनल खेल्ने भएको आयोजक नमुना क्लबका खेल संयोजक भुजेलले जानकारी दिनु भयो । उहाँका अनुसार समूह विबाट साविक ७ र साविक ८ ले प्रतिस्पर्धा गर्नेछन् । उहाँले भन्नुभयो, ‘फुटबलतर्फको फाईनल खेल भोलि नै समापन गरी पुरस्कार बितरण गर्ने कार्यक्रम छ ।’
उक्त प्रतियोगिताको चौथौ संस्करणसम्म आईपुग्दा लगातार बिजेता बनेको साबिक १ को सत्रसय युवा क्लबका ३ वटै टिम यस संस्करणमा पहिलो चरणबाटै बाहिरिएको छ ।
प्रतियोगिताको मुल उद्देश्य स्थानीय क्षेत्रमा खेलाडी उत्पादन गर्ने रहेता पनि दुराडाँडा कपको चौथो संस्करणमा भलिबलतर्फ सत्रसय साविक १ र धारापानी साविक ५ तथा फुटबलतर्फ धारापानी साविक ५ र सिम्लेजामुने साविक ९ ले भाग लिएनन् ।
प्रतियोगितामा भलिबलतर्फ साविकका ९ वडाका ७ टिम र फुटबलतर्फ ९ वडाका १० टिमले भाग लिएको क्लबमा अध्यक्ष हरिकृष्ण खनियाले बताउनु भयो । उहाँका अनुसार प्रतियोगितामा फुटबलतर्फ बिजेताले नगद १५ हजार र उपबिजेताले नगद ८ हजार रुपैया सहित कप, मेडल र प्रमाण पत्र पुरस्कार प्रदान गरिने छ । यसैगरी, भलिबलतर्फका बिजेताले नगद १० हजार र उपबिजेताले नगद ५ हजार रुपैयाँ सहित कप, मेडल र प्रमाण पत्र प्रदान गरिने आयोजकको भनाइ छ ।
साविकका वडाहरू बिच प्रतिस्पर्धा हुने गरी आयोजना गरिएको दुराडाँडा कपमा पुरस्कार जित्नकै लागि वडा भन्दा बाहिरबाट खेलाडी सहभागी गराएको बताउँदै टिम दर्ता गरे पनि खेलमा सहभागी नभएको साविक ६ नंले बताएको छ ।
दुराडाँडा कप सञ्चालनको लागि वडाले स्पस्ट कार्यबिधि बनाउन नसक्दा बर्षेनी खेल सञ्चालन गर्ने मितिमा समेत बिबाद हुँदै आएको खोलाडीहरूले बताएका छन् । उनीहरूले भने, ‘वडाले तुरुन्त स्पस्ट कार्यबिधि बनाई आगामी दिनका खेलहरू सञ्चालन गरिनु पर्छ ।
कल्बका अध्यक्ष हरिकृष्ण खनियाको अध्यक्षता भएको सो प्रतियोगितामा सुन्दरबजार नगरपालिका वडा नं ४ को वडा कार्यालयको प्रायोजन गरेको छ ।