काठमाडौं– नेपालको प्रजातान्त्रिक आन्दोलनका योद्धा तथा नेपाल पत्रकार महासंघका पूर्वसभापति होमनाथ दाहालको गएराति निधन भएको छ । केही समयदेखि घुँडासम्बन्धी समस्याबाट अस्वस्थ भई मैतीदेवीस्थित आफ्नै घरमै उपचारमा रहेका ८४ वर्षीय दाहालको गए राति निधन भएको पुस २६ गते विहान जानकारी दिइएको हो ।
पूर्वमन्त्री एवं वरिष्ठ पत्रकार होमनाथ दाहालको निधन भएको छ । उपचारका लागि वीर अस्पताल लैजादै गर्दा दाहालको बाटोमै निधन भएको हो । दाहालले लोकतन्त्र र प्रेस स्वतन्त्रताका लागि विशेष योगदान दिएका व्यक्तित्व हुनुहुन्छ ।
दाहाललाई हृदयाघात भएपछि उपचारका क्रममा गएराति वीरअस्पतालमा निधन भएको पारिवारिक स्रोतले जनाएको छ । ओखलढुंगा जिल्लाको तत्कालीन बरुणेश्वर गाउँपालिकामा वि.सं. १९९८ कार्तिक २५ गते जन्मिनु भएका दाहाल पञ्चायतकालमा नेपाली कांग्रेसको मुखपत्र राष्ट्रपुकार साप्ताहिकको सम्पादक हुनुहुन्थ्यो । पञ्चायतकालको कठोर निरंकुश शासनमा समेत अन्यायका विरुद्ध सत्यको कलम चलाएका दाहाल साहित्यकार समेत हुनुहुन्थ्यो ।
पञ्चायतकालमा ‘राष्ट्रपुकार साप्ताहिक’ मार्फत प्रेस स्वतन्त्रताको पक्षमा आवाज उठाउँदा उहाँ पटक–पटक पक्राउ पर्नुका साथै करिब तीन वर्ष जेल जीवन बिताउनु भएको थियो । उहाँले गोरखापत्र संस्थानका अध्यक्ष तथा महाप्रबन्धक भएर समेत काम गर्नु भएको थियो । दाहाल नेपाल २०४९– २०५१ सम्म पत्रकार महासंघको सभापति हुनु भएको थियो । साथै प्रेस काउन्सिल नेपालका सदस्य भएर पनि उहाँले काम गर्नु भएको थियो । यो पंक्तिकारले समेत ‘राष्ट्रपुकार साप्ताहिक’बाटै आफ्नो पत्रकारिताको यात्रा २०३७ सालमा आरम्भव गरेको हो ।
नेपाली कांग्रेस (प्रजातान्त्रिक) को केन्द्रीय सदस्य, प्रवक्ता तथा बौद्धिक विभाग संयोजक भएर काम गर्नु भएको थियो । उहाँको निधनमा शोक प्रस्ताव पारित गर्न नेपाली कांग्रेसले ऐले बिहान केन्द्रीय कार्यसमिति बैठक बोलाएको छ ।
उता, होमनाथ दाहालको निधनमा काँग्रेसका विशेष महाधिवेशन पक्षधरको आजको कार्यक्रम स्थगित गरेका छन् । आज भृकुटीमण्डपमा विशेष महाधिवेशन पक्षधरले र्याली निकाल्ने लगायतका विभिन्न कार्यक्रम राखिएको थियो ।
ती सबै औपचारिक कार्यक्रम स्थगित गरिएको दोस्रो विशेष महाधिवेशन व्यवस्थापन सचिवालयका संयोजक मनोजमणि आचार्यले विज्ञप्ती जारी गरी जानकारी दिनु भएको हो ।
भोलिका लागि तय भएका विशेष महाधिवेशनका कार्यक्रमहरू यथावत रहेको विज्ञप्तीमार्फत जानकारी दिइएको छ ।
कांग्रेस विशेष महाधिवेशन पक्षधरको पदयात्रा स्थगित गरिएको छ । कांग्रेसको विशेष महाधिवेशनमा ६ स्थानबाट निस्किने तयारी थियो । विशेष महाधिवेशन जनपरिचालन तथा जुलुस व्यवस्थापन समितिले जुलुस निकाल्नका लागि भेला हुन ६ स्थान तोकेको हो ।
महान्त्रीद्वय गगन थापा र विश्वप्रकाश शर्माले २७ र २८ गते विशेष महाधिवेशन बोलाउनु भएको हो । काठमाडौँको भृकुटीमण्डपमा विशेष महाधिवेशन हुँदैछ । महाधिवेशन उद्घाटन अघि विभिन्न ६ स्थानबाट जुलुस निकालिने छ । ती स्थानममा सुन्धारा, रत्नपार्क, पद्मकन्या क्याम्पस, पद्मोदय–शंकरदेव क्याम्पस, कमलपोखरी र कुपण्डोलमा भेला भई जुलुससहित महाधिवेशनस्थल भृकुटीमण्डप पुग्न प्रतिनिधिहरूलाई समितिले आह्वान गरेको थियो ।
वि.सं. १९९८ कार्तिक २५ गते ओखलढुङ्गाको साविक वरुणेश्वर गाउँ विकास समिति– ३, रामपुरमा जन्मिनु भएका स्व. दाहालको पार्थिव शरीर आजै पशुपति आर्यघाटमा दाहसंस्कार गरिनेछ । दाहालकी धर्मपत्नी सुधा दाहाल यतिखेर वीर अस्पतालमा उपचारत हुनुहुन्छ । दाहालका दुई छोरा डा सुधाम्शु र हिमाम्सु रहेका हुनुहुन्छ ।
प्रकाशित मिति २०८२ पुष २६, शनिबार ११:०२ गते
