९ औं लमजुङ महोत्सव अब अन्त्यतिर : आज ११ औं दिन, १० औं दिनको फोटो फिचर

बेसीशहर– लमजुङको जिल्ला सदरमुकाम यहाँ ९ औं लमजुङ महोत्सव चलिरहेको छ । १३ दिवसीय उक्त महोत्सव अब अन्त्यतिर लागि रहेको छ । महोत्सवको आज ११ औं दिन हो भने हिजो माघ १७ गते १० औं दिनका केही झलकहरू फोटोमा कैद गर्ने प्रयास गरिएको छ ।
मर्स्याङदी गाउँपालिकाका अध्यक्ष अर्जुन गुरुङको प्रमुख आतिथ्यतामा १० औं दिनको कार्यक्रम भएको थियो भने अध्यक्षता आयोजक लमजुङ उद्योग वाणिज्य संघका अध्यक्ष भरतकुमार श्रेष्ठ र उदघोषण पत्रकार एवम् लोक दोहोरी कलाकार अनुज अधिकारीबाट भएको थियो ।
हिजो हिमाल सागर, कर्णराज गिरीको प्रस्तुति तथा अनु सुनार तथा अनुज अधिकारीको दोहोरी प्रस्तुति निकै रोचक रहेको थियो ।
सो अवसरमा पर्यटन प्रवद्र्धनका लागि खानी गाउँ पुगेर फर्केको साइकल यात्रीको टोलीलाई मञ्चमा स्वागत गर्ने र मायाको चिनो प्रदान गरेर विदाईको कार्य गरिएको थियो । लोक दोहोरीका सेमी फाइनल प्रतियोगिताका साथमा अन्य विभिन्न आमा समूह तथा विद्यालयका छात्राहरूको प्रस्तुति थिए । साथै राष्ट्रिय कलाकारहरूको धमकेदार प्रस्तुति, दोहोरी गीत, भाले– पोथी लगायतका नृत्यको प्रदर्शन भएको थियो ।
आज राष्ट्रिय कलाकार ‘प्वाक्क हान्दिन्छु तथा धोकेबाज भनेर चिनिने गायिका एलिना चौहान आउँदैछिन् भने दोहोरी गीतको फाइनल सहितका कार्यक्रम हुने आयोजकको भनाइ छ ।

सन्तोषजनक रहेको दर्शकको उपस्थितिमा भएको उक्त कार्यक्रमको फोटो फिचर :