लमजुङे चेली सन्चितालाई जिताउन जिल्ला सदरमुकाम बेसीशहरको मुटुबाट ‘भोट अपिल’ : फोटो फिचर सहित

बेसीशहर– नेपालको बहुचर्चित रियालिटि सो ‘भ्वाइस अफ नेपाल’ को सातौँ सिजनकी फाइनलिष्ट लमजुङे चेली सन्जिता दुराका लागि ‘भोट अपिल’को विशेष कार्यक्रम यहाँ भएको छ । सन्जिता दुराकै उपस्थितिमा राष्ट्रिय लोक तथा दोहोरी गीत प्रतिष्ठान, लमजुङ शाखाको आयोजनामा दुराको गृह जिल्ला लमजुङको सदरमुकाममा माघ २८ गते सो कार्यक्रम गरिएको हो ।
वरिष्ठ लोकगायिका माया गुरुङको प्रमुख आतिथ्यतामा भएको सो कार्यक्रममा लमजुङको सुन्दरबजार नगरपालिका– ११ सिन्दुरे, दुराडाँडाकी दुरा अहिले ‘द भ्वाइस अफ नेपाल’ को सातौँ सिजनमा उत्कृष्ट प्रस्तुति दिँदै निर्णायक चरणका चार उत्कृष्टमा पार्न सफलता प्राप्त भएको छ । त्यसैले उहाँलाई जिताउन ‘भोट अपिल’ कार्यक्रम राखिएको हो । दुरालाई आज फागुन १ गते साँझ ९ बजेसम्म भोट दिन सकिन्छ ।
भ्वाइसको नेपाली इतिहासमा पहिलोपटक सबैभन्दा धेरै महिला प्रतिस्पर्धी फिनालेमा पुगेका हुन् । सेमी फाइनलको एपिसोडबाट भ्वाइसले तीन महिला सहित चार फाइनलिस्ट प्राप्त गरेको हो । टिम मेलिना राईबाट सञ्जिता दुरा, टिम प्रमोद खरेलबाट पुनम गुरुङ, टिम खेम सेन्चुरीबाट सागर संसार राई र टिम राजु लामाबाट नीताकुमारी थापा फिनालेमा प्रवेश गरेका छन् ।
प्रतिष्ठानका अध्यक्ष प्रसान्त तामाङको अध्यक्षतामा भएको कार्यक्रमको सञ्चालन प्रतिष्ठानका निवर्तमान अध्यक्ष एवम् सञ्चारकर्मी अनुज अधिकारीले गर्नुभएको थियो । अधिकारीका अनुसार सन्जिता दुरालाई आज फागुन १ गते साँझ ९ बजे सम्म भोट गर्न सकिनेछ । प्रस्तुत छ, उक्त कार्यक्रमको फोटो फिचर :