सुन्दरबजार नगरपालिका– ५ को बाघेडाँडाको सिङ्गै गाउँ रास्वपामा प्रवेश : फाटो फिचर

बाघेडाँडा(लमजुङ)– लमजुङको सुन्दरबजार नगरपालिका– ५ को बाघेडाँडाको सिङ्गै गाउँ रास्वपामा प्रवेश गरेको छ । रास्वपाको चुनावी प्रचार अभियानका क्रममा रास्वपाको एक टोली सो गाउँमा पुग्दा त्यहाँको सिङ्गो गाउँ नै फागुन ७ गते रास्वपामा प्रवेश गरेको हो ।
सो गाउँका मुनकुमार गुरुङको नेतृत्वमा सिङ्गो गाउँ रास्वपामा प्रवेश गरेको हो । मुनकुमार गुरुङ विगतको चार वर्षदेखि दुवईमा वैदेशिक रोजगारीका लागि रहनु भएको थियो । मुनकुमार गुरुङ उहाँदेखि रवि लामिछाने नेतृत्वको घण्टी पार्टीलाई जिताउनकै लागि गाउँमा आउन भएपछि त्यस्तो स्थिति सिर्जिएको हो ।
बाघेडाँडा गाउँ रास्वपाको सुन्दरबजार नगर समितिको सहसचिव एवम् संगठन विभागका प्रमुख गोविन्द गुरुङको जन्म गाउँ पनि हो । उहाँ पनि विगतमा एमालेमा सक्रिय हुनुहुन्थ्यो । सो अवसरमा उहाँ समेत उपस्थित हुनुहुन्थ्यो ।
बाघेडाँडाबासीहरू पृथ्वीसुब्बा गुरुङ मुख्यमन्त्री छदा गाउँमा सडक बनाइदिनु पर्यो भन्ने अनुरोध गर्न जाँदा त्यहाँ कति मान्छे बस्छन् र ? भन्दै इन्कार गरेको स्मरण गर्दै त्यसै कारण आज गाउँ उजाड बनेको ती गाउँलेको भनाइ छ । उहाँहरूले भन्नुभयो, ‘कुनै दिन ६३ घर परिवार बसोबास गरिआएको सो गाउँमा आज ३२ घरमात्र बाँकी छ र अधिकांश बृद्ध बाआमा मात्र गाउँमा बस्न बाध्य छौं ।’
बाघेडाँडाबासीहरू गाउँनै रास्वपामा प्रवेश गरेको उक्त कार्यक्रममा जिल्ला सल्लाहकार परिषदका संयोजक एवम् प्रचार प्रसार समितिका संयोजक नवराज पहाडी, जिल्ला संगठन विभागका प्रमुख बाबुराम अधिकारी, रास्वपाको सुन्दरबजार नगरपालिकाका कोषाध्यक्ष सावित्री केसी, सदस्य सविता केसी लगायतको सहभागिता रहेको थियो ।
२०४८ सालको आम निर्वाचनमा बाघेडाँडा गाउँबाट सतप्रतिशत मत नेपाली काँग्रेसले पाएको थियो । पछि त्यो गाउँमा काँग्रेस छिर्नै नसक्ने भयो र एमालेले सतप्रतिशत मत पाउने स्थिति बन्यो । यस पटक फेरि सम्भवतः एमालेका पक्षमा एक मत पनि चुहुन नदिने गाउँलेहरूले संकल्प गरेका छन् । प्रस्तुत छ सो कार्यक्रमको फाटो फिचर :