पाँचवर्षदेखि भारतीय सैनिक भर्ना बन्द गरिएकोप्रति विरोध र्याली सहित प्रधानमन्त्रीलाई ज्ञापन : फोटो फिचर

बेसीशहर– लमजुङमा पछिल्लो पाँचवर्षदेखि भारतीय सैनिक भर्ना बन्द गरिएकोप्रति विरोध र्याली सहित प्रधानमन्त्रीलाई ज्ञापन बुझाउने काम गरिएको छ । भारतीय भूतपूर्व सैनिक विकास समिति, लमजुङको आयोजनामा साउन १३ गते सो कार्य भएको हो ।
भारतीय सैनिक भर्ना बन्द गरिएको निर्णयप्रति असहमति जनाउँदै त्यसको विरोधमा यहाँ र्याली निकाल्दै जिल्ला प्रशासन कार्यालयमा पुगेर प्रमुख जिल्ला अधिकारी कृष्णप्रसाद खनालमार्फत प्रधानमन्त्रीलाई ११ बुँदे ज्ञापन पत्र बुझाइएको हो ।
विरोध र्याली मनाङे चौताराबाट सुरु भएको थियो । बेसीशहरको मुख्य बजार क्षेत्र परिक्रमा गर्दै जिल्ला प्रशासन कार्यालय पुगरेर कोणसभा गरी विरोध र्याली गर्नु र ज्ञापनपत्र बुझाउने पर्नाको कारण बारेमा सो कार्यका अगुवा खेमजङ्ग गुरुङ सहितले मन्तव्यमार्फत प्रष्ट्याउने काम गनुृ भएको थियो । त्यसपछि सहभागीहरूले प्रमुख जिल्ला अधिकारीमार्फत नेपाल सरकारलाई सम्बोधन गरिएको ज्ञापनपत्र बुझाउने कार्य भएको हो ।
भारतीय भूतपूर्व सैनिक विकास समिति, लमजुङका अध्यक्ष चित्रबहादुर गुरुङको नेतृत्वमा जिल्ला प्रशासनमा पुगेको टोलीले ज्ञापनपत्र पढेर प्रजिअ खनाललाई हस्तान्तरण गरिएको हो । त्यस कार्यक्रमको फोटो फिचर :