एएफसी एसियाकप छनोट : साम्बाको ह्याट्रिक, नेपालद्वारा श्रीलंकालाई आठ गोल

काठमाडौं– कप्तान सावित्रा भण्डारी ‘साम्बा’ले लगातार दोस्रो खेलमा ह्याट्रिक गोल गरेपछि नेपालले एएफसी महिला एसियन कप छनोट अन्तर्गत समूह एफको दोस्रो खेलमा नेपालले श्रीलंकाविरुद्ध फराकिलो जित निकालेको छ । एएफसी महिला एसियन कप छनोट अन्तर्गत जारी खेलमा कप्तान सावित्रा भण्डारी ‘साम्बा’ले ह्याट्रिक पुरा गर्दै नेपालको प्रभावसालि जित यात्रा जारी राख्न सफल भएकी हुन् ।
लगातार दोस्रो खेलमा साम्बाको ह्याट्रिकसहित श्रीलंका विरुद्धको खेलमा नेपालले ८–० को फराकिलो जित हासिल गरेको हो । उक्त फराकिलो अग्रता बनाउन कप्तान साम्बाले ह्याट्रिक पुरा गरेकी हुन् । नेपालका लागि साम्बाको ३ गोलसँगै गिता रानाको २ गोल तथा निशा थोकर, रेखा पौडेल र पुजा रानाले १– १ गोल गरेका थिए । नेपालले दुवै हाफमा ४–४ गोल ग¥यो ।
कप्तान साम्बाको ह्याट्रिक तथा रश्मिकुमारी घिसिङले पहिलो हाफमा अर्को एक गोल गर्दा बाँकी गोल दोस्रो हाफमा सम्भव भयो । नेपालले खेलको २० औं मिनेटमा अग्रता दोब्बर बनायो । दोस्रो गोल साम्बाले गरिन् ।
४२ औं मिनेमा ब्यक्तिगत दोस्रो गोल गरेकी साम्बाले पहिलो हाफको इन्जुरी समय सविता राना मगरको क्रसमा गोल गर्दै साम्बाले ह्याट्रिक पुरा गरेकी हुन् ।
दोस्रो हाफमा पनि नेपालले रवाफिलो अग्रता कायम राख्यो । नेपालका लागि गिता रानाले पेनाल्टीमार्फत गोल गर्दै ५४ औं मिनेटमा टिमको अग्रता ५– ० मा पुर्याउन सफल भइन् । लगतै अर्थात ८ मिनेटपछिनै निशा थोकरले हेडरमार्फत गोल गर्दै टिमलाई गोल संख्या आधा दर्जन पुर्याउन सफल भइन् ।
त्यसपछि पनि नेपालले गोल निरन्तर गर्यो । सब्सटिच्युट रेखा पौडेलले हेडमार्फत टिमको अग्रता ७–० मा पुर्याउन सफल हुँदा । आठौं गोल पुजा रानाको नाममा रह्यो । उनले राष्ट्रिय टोलीबाट करियरको पहिलो गोल गरिन् ।
नेपालले पहिलो खेलमा लाओसमाथि ९–० को फराकिलो जित निकालेको थियो । अब नेपालले अन्तिम अनि महत्वपूर्ण खेलमा उज्बेकिस्तानसँग खेल्ने छ । अब नेपालले छनोट चरणको अन्तिम खेलमा घरेलु टोली उज्वेकिस्तानको सामना गर्ने छ । यो खेलनै नेपालका लागि निर्णायक हुनेछ ।
लगातार दुई जितपछि नेपाल ६ अंक जोडेर समूह एफको शीर्ष स्थानमा उक्लेको छ । लगातार दुई खेलमा पराजित भएको श्रीलंका एक खेल अगावै बाहिरिने पक्का भएको छ ।
समूहको शीर्षमा रहने टिम सन् २०२६ मा हुने एएफसी महिला एसियन कप फुटबलका लागि छनोट हुनेछ भने त्यसले अन्य मुख्य प्रतियोगिताहरूका लागि पनि ढोका खुल्ने छ ।