लमजुङ– राष्ट्रिय स्वतन्त्र पार्टी(रास्वपा) संगठन विस्तारमा जुटिरहेको छ । सुन्दरबजार नगरपालिका– १ मा वडा सभापति प्रकाश अधिकारीको अध्यक्षतामा रास्वपाको वडा समिति भदौ २ गते गठन भएको छ ।
सो भेलामा जिल्ला सहसंयोजक अशोक सापकोटाले पार्टीको सिद्धान्त, नीति नियमका साथै मिशन ८४ पुरा गर्नका लागि गर्नु पर्ने कामहरूका बारेमा प्रकाश पार्नु भएको थियो । यसैगरी, निर्वाचन क्षेत्र समितिका सदस्य प्रकाश थापाले पार्टीमा संगठनको आवश्यकता, महत्व र भूमिका बारेमा उदाहरण सहित प्रस्तुत गर्दै संगठन विस्तारको विकल्प नरहेको उल्लेख गर्नु भएको थियो ।
रास्वपाका सुन्दरबजार नगरका सभापति श्याम के.सी.को अध्यक्षतामा भएको उक्त कार्यक्रमको सोही नगरका सचिव राजेन्द्र अधिकÞारीले सञ्चालन गर्नु भएको थियो ।
नवगठित समितिको सभापति प्रकाश अधिकारी, उपसभापति जगत सेढाई, सचिव रामबबाबु तिवारी, सदस्यहरूमा इन्द्र कोइराला, कमल गौली, कामना दुरा, जगदिश मिश्र, राममणि मिश्र, विमला गौली र कृष्ण दुलाल चयन हुनु भएको सो दलका जिल्ला सहसंयोजक अशोक सापकोटाले बताउनुभएको छ ।
बेसीशहर नगरपालिका– ७ र ८ को समितिले हरेक शनिबारका दिन सञ्चालन गर्दै आएको सामाजिक अभियान अर्थात बेसीशहर क्षेत्रको सरसफाई कार्य जारी :
यसैबीच, रास्वपा बेसीशहर नगरपालिका– ७ र ८ को समितिले हरेक शनिबारका दिन सञ्चालन गर्दै आएको सामाजिक अभियान अर्थात बेसीशहर क्षेत्रको सरसफाई कार्यलाई भदौ २ गतेका दिनमा पनि निरन्तरता दिएको छ ।
सो कार्य वडानं– ७ का अध्यक्ष राजकुमार घिमिरे तथा वडानं– ८ का अध्यक्ष धुर्व ढकालको नेतृत्वमा सञ्चालन गरिएको सो दलले जनाएको छ ।
सो अवसरमा बेसीशहर नगरपालिका– ७ को मनाङ्गे चौताराबाट वडानं– ६ चनौटेतर्फ पैदल जाने स्लोप बाटोमा लेउ लागेर हिड्दा चिप्लिएर यात्रुहरू लड्न थालेको जानकारी पाएपछि राष्ट्रिय स्वतन्त्र पार्टीले तारब्रस लगाएर सो स्थानमा लेउ खुर्केर सफाई गरेको रास्वपाका वडानं– ८ का अध्यक्ष धुर्व ढकालले बताउनु भयो ।
सो सरसफाई कार्यमा सो दलका नगर सभापति कृष्ण राउतसहितका विभिन्न व्यक्तिहरूको सहभागिता रहेको ढकालले जानकारी दिनु भयो ।
प्रकाशित मिति २०८० भाद्र ५, मंगलवार ०७:२६ गते
