‘द भ्वाइस अफ नेपाल सिजन ५औं संस्करणमा लमजुङका अमित रसायलीद्वारा यात्रा तय

भोटेओडार(लमजुङ)– सुप्रसिद्ध अन्तर्राष्ट्रिय गायन रियालिटी शो नेपालको पाँचौं संस्करण ‘द भ्वाइस अफ नेपाल’मा लमजुङका २२ बर्षीय अमित रसायली नकआउट राउण्डको यात्रा तय गरेका छन् । जिल्लाको सुन्दरबजार नगरपालिका– ‘द भ्वाइस अफ नेपाल’ सिजन ५ को ब्याटल राउण्ड पार गरेसंगै उनको ‘नक आउट राउण्ड’को यात्रा मंसिर ९ गते राति पक्का भएको हो ।
ब्याटल राउण्डमा आफ्नै टिमका एलिया गुरुङसंग भिडेका थिए । सो असरमा उनले महेन्द्र पियाको शब्द र कुमार कान्छाको स्वरमा रहेको ‘जिन्दगीको भर …. ’ बोलको गीत गाएका थिए । उक्त प्रस्तुतिपछि कार्यक्रमका सञ्चालक सुशील नेपालले ३ जना नै कोचहरूलाई कस्लाई अगाडि लैजाने सल्लाह दिनु हुन्छ भन्ने प्रश्नमा कोच राजेश पाएल राईले अमित रसाईली, कोच उदय सोताङले एलिया गुरुङ र कोच मिलन नेवारले अमित रसायलीलाई लैजाने सल्लाह दिनुभएको थियो ।
कोच प्रमोदले प्रस्तुतिपछि प्रतिक्रिया दिदै उहाँहरूलाई च्यालेञ्जको रुपमा दिएको गीतमा दुबै जनाले उत्कृष्ट प्रस्तुति दिनुभयो भन्नुभएको थियो । सुशील नेपालले अब पालो डिसिजनको भने पछि कोच प्रमोदले प्रफर्मेन्स र ट्यालेन्टलाई मध्यनजर गर्दै एलिया गुरुङलाई धन्यवाद दिदै अमित रसायलीलाई अगाडि लैजान्छु भन्ने उदघोगा गर्नु भयो । त्योसँगै रसायलीको नक आउट राउण्डको यात्रा तय भएको हो ।
यसैबीच, अमितका प्रतिस्पर्धी एलिया गुरुङलाई कोचहरूकलाई रहेको बिशेष अधिकार स्टिलको प्रयोग गर्दै उदय सोताङले आफ्नो टिमबाट नक आउण्ड चरणमा स्थान दिएको बताउनु भएको छ ।
उक्त व्याटल राउण्डमा ६४ जनाले प्रतिस्पर्धा गरेका थिए । ६४ जना बाट छनोट भएर आएका ३६ जनाले अब नक आउट राउण्डमा प्रतिस्पर्धा गर्ने भएका छन् ।
रसायली लमजुङ सुन्दरबजार नगरपालिका– ७ तल्लो बजार घर भइ हाल चितवनस्थित कृषि तथा वन विज्ञान अध्ययन संस्थानमा बिएस्सी फरेष्ट्री तेश्रो वर्षमा अध्ययनरत छात्र हुन् ।
‘राम्रो सिंगर छोड्नु हुँदैन’ भनेर आफूले ‘चेयर टर्न’ गरी अमितलाई कोच गर्न चाहेको कोचर प्रमोदले व्लाइण्ड अडिसन पछि प्रतिक्रिया दिनुभएको थियो ।
अमितले आफ्नो सानैदेखि गायनमा रुचि भएको अब ठाँउ पनि पाएको हुँदा पढाइसंगै सांगीतिक यात्रालाई पनि अघि बढाउने प्रतिक्रिया दिदै ‘म्युजिक’ आफ्नो ‘लाइफको पार्ट’ हो भनेका थिए । सानैदेखि गायन क्षेत्रमा आफ्नो रुचि भएको हुँदा लमजुङ जिल्लामा आयोजना हुने मेला, महोत्सब पनि कला प्रस्तुत गर्ने मौका विभिन्न समयमा पाएको उनले व्लाईण्ड अडिसन पछि प्रतिक्रिया दिएका छन् ।
स्मरणीय छ, उनले ‘द भ्वाइस अफ नेपाल’को मञ्चमा ‘गाला पुक्क पारी ….. ’ बोलको गीत गाएर आफूलाई स्थापित गर्न सफल भएका थिए । अमितको गायकी मन पराइ अन्तिम समयमा कोच प्रमोद खरेलले ‘चेयर टर्न’ गरेर आफ्नो टिमबाट व्याटल राउण्डमा समावेश गराएको खुल्न आएको छ ।
अन्तरङ्ग न्यूज डटकम परिवार उनको उज्वल भविष्यको कामना गर्दछ ।