निवर्तमान सञ्चारमन्त्री गुरुङको गृह जिल्ला लमजुङमा उहाँसहित निवर्तमान प्रम ओलीको समेत पुत्ला दहन : फोटो फिचर सहित

बेसीशहर(लमजुङ)– नेपाल सरकारका निवर्तमान सूचना, सञ्चार तथा प्रविधि मन्त्री पृथ्वीसुब्बा गुरुङको गृह जिल्लामा उहाँ सहित निवर्तमान प्रधानमन्त्री केपि ओलीको समेत पुत्ता दहन गरिएको छ । जिल्ला सदरमुकाम बेसशिहरमा स्वःस्फूर्त रुपमा जेन– जी समूहद्वारा आह्वान गरिएको विरोध प्रर्दशनका क्रममा त्यस्तो कार्य भदौ २४ गते गरिएको हो ।
सो प्रदर्शनमा अनपेक्षित रुपमा हजारौं हजारको सहभागिता रह्यो । बेसीशहरको भिमसेनस्थान चोकबाट सुरु भएको विरोध जुलुस मनाङे चौतारा हुँदै सेराचोकमा पुगेर निवर्तमान सूचना मन्त्री गुरुङसहित निवर्तमान प्रधानमन्त्री केपी ओलीको पुत्ला दहन गरिएको प्रत्यक्षदर्शीले बताए ।
आन्दोलन जेन– जी समूहको भनिए पनि बेसीशहर क्षेत्रका बासिन्दाहरू सबै उमेर तहका बासिन्दाको समेत विरोध जुलुसमा सहभागिता थियो ।
सेराचोकमा विरोध कार्यक्रमको समापन गरिएको भए तापनि आक्रोशित भिड फेरी बेसीशहर नगरपालिकाको भवन अगाडि हुँदै जिल्ला प्रशासन चोकमा पुगेर व्यापक रुपमा सरकार विरोधी नारा लगाऐका थिए ।
हिजो भदौ २३ गते काठमाडौंमा भएको जेन– जी समूहको विरोध प्रर्दशनीमा १९ जनाको प्रहरीको गोलीबाट निधन भएपछि देशभर आक्रोश छाएको छ । सो विरोधका प्रर्दशनी क्रममा काठमाडौंमा तथा ठूला शहरहरूमा तीन सय ५० भन्दा धेरै धाइते भएका छन् ।
यसैबीच, आज काठमाडौंमा भएको विरोध प्रदर्शनका क्रममा प्रहरीको गोलीले दुई जनाको निधन भएको छ ।