लमजुङ कालिका मन्दिरमा पहिलोपटक फूलपाति बढाईका साथ भित्र्याइयो : कार्यक्रमको फोटो फिचर

गाउँशहर(लमजुङ)– लमजुङ कालिका मन्दिरमा पहिलोपटक फूलपाति बढाईका साथ भित्र्याउने काम भएको छ । लमजुङ कालिका भगवती मन्दिरमा बडादशैं २०८२ को पावन अवसरमा लमजुङ जिल्लाका प्रमुख जिल्ला अधिकारी माधवप्रसाद पोखरेलेको पहलमा तीनवटै सुरक्षा निकायको सहभागितामा असोज १३ गते फूलपाति भित्र्याउने काम भएको हो । लमजुङ कालिका तत्कालीन शाह वंशको उदयसँगै निर्मित दरबार र तत्कालीन स्थितिमा शाह राजाहरूले आफ्नो कुलदेवीका रुपमा स्थापना गरी पुज्दै आएकी देवी हुन् । फूलपातीका दिन तीन तहकै सुरक्षा निकायले आ–आफ्नो फूलडोलीका साथ सम्मान गारतका साथ बढाई गरी फूलपाती भित्याउने काम भएको हो । कार्यक्रममा चण्डी प्रसाद गणका पुरोहित जम माधव गौतम र लमजुङ कालिका मन्दिरका मूल पुरोहित सोमराज बरालले चण्डीका साथै कालिका मन्दिरमा पुजाआजा गर्नु भएको थियो । प्रस्तुत छ : त्यस कार्यक्रमको फोटो फिचर :