रास्वपा बेसीशहर– ८ वडासमितिद्वारा समवेदना व्यक्त

बेसीशहर(लमजुङ)– राष्ट्रिय स्वतन्त्र पार्टी(रास्वपा) बेसीशहर नगरपालिका– ८ को वडासमितिले समवेदना व्यक्त गरेको छ । सोही वडाको सेरा कृष्णमन्दिर चोक नजिक निवासी स्व. लालमाया गुरुङ÷तामाङको पाँचौं पुण्य तिथिमा उहाँको निवासमा गएर शोकसन्तप्त परिवारजनमा रास्वपाको वडासमितिले समवेदना व्यक्त गरेको हो । उहाँ ६६ वर्षीया हुनुहुन्थ्यो ।
लालमाया पछिल्ला केही वर्षदेखि मुटु, दम, ब्लड प्रेसर तथा सुगरको समस्याबाट पीडित हुनुहुन्थ्यो । तर पनि सरसाउदो हुनुहुन्थ्यो । त्यस दिन पनि दिउँसो स्थानीय प्रदेश अस्पतालमा गएर स्वास्थ्य परीक्षण गरी फर्कनु भएको उहाँका जेठो छोरा मेघराज तामाङले बताउनु भयो । उहाँका अनुसार साँझ पनि खासै त्यस्तो केही देखिएको थिएन । उहाँले भन्नुभयो, ‘सुत्ने बेलामा अलिक अप्ठेरो जस्तो भयो भन्नु भयो, हामीले मिलाउँदै थियौं पाँच मिनेट पनि कट्न पाएन, अस्पताल पनि लग्ने मौका पनि मिलेन ।’
२०१६ सालको फागुन ६ गते जन्मिनु भएकी उहाँकोमा समवेदना व्यक्त गर्न जाने रास्वपाको टोलीको नेतृत्व रास्वपाको उद्योग वाणिज्य विभाग गण्डकी प्रदेशका सदस्य धु्रव ढकालको नेतृत्वमा गएको थियो । सो टोलीमा रास्वपाको जिल्ला सल्लाहकार परिषदका संयोजक नवराज पहाडी, जिल्ला सदस्य मीना खड्का, बेसीशहर नगरका सदस्य अहल्दिन मिया, सोही वडाका सचिव रामहरि श्रेष्ठका साथै वडा सदस्य काजीराम रावललगायत हुनुुहन्थ्यो ।
पार्टीको तर्फबाट तयार गरिएको समवेदना पत्र रास्वपाको उद्योग वाणिज्य विभाग गण्डकी प्रदेशका सदस्य धु्रव ढकालले पढेर सुनाउनु हुँदै उहाँले स्व. लालमायाका जेठो छोरा मेघराज तामाङलाई हस्तान्तरण गर्नु भएको थियो ।
सो समयमा स्व. आत्माको एक मिनेट मौन धारण गर्नुका साथै उहाँको आत्माको शान्तिका लागि समवेदना व्यक्त गर्न गएका रास्वपाको टोलीका सबैले दीप समेत प्रज्ज्वलन गर्नु भएको थियो ।